Халықтың сыртқа кетуінен, өмір сүру деңгейінің төмендеуінен, инфрақұрылымның жеткіліксіздігінен жəне мемлекет тарапынан əлсіз қолдаудан көрінетін ауылдық аумақтарды дамытудағы теңгерімсіздік аймақтардың тұрақты əлеуметтік-экономикалық өсуіне кедергі келтіреді. Міндеті: əлеуметтік, экономикалық жəне экологиялық құрамдастарды ескере отырып, ауылдық аумақтардың тұрақты дамуына ықпал ететін мемлекеттік реттеудің тиімді тетіктерін анықтау. Əдістері: зерттеу жүйелік жəне салыстырмалы талдауға, статистикалық модельдеуге, сонымен қатар ауыл саясаты саласындағы нормативтік құқықтық базаны талдауға негізделген. Нəтижелер жəне олардың маңыздылығы ауылдық аумақтардың тұрақты дамуының негізгі кедергілері анықталды жəне мемлекеттік реттеуді жетілдіру бағыттары ұсынылды, оның ішінде аграрлық секторды ынталандыру, əлеуметтік инфрақұрылымды жақсарту жəне тұрақты жұмыспен қамтуды қамтамасыз ету шаралары қарастырылды. Нəтижелер ауылдық аймақтарды дамытуды басқарудың кешенді тəсілін қалыптастыруға мүмкіндік береді. Зерттеудің практикалық маңыздылығы қорытындылар мен ұсыныстарды мемлекеттік органдар мен жергілікті өзін-өзі басқару органдары ауылдық аумақтарды дамыту бағдарламаларын қалыптастыруда, сондай-ақ өңірлік деңгейде аумақтық жоспарлаудың тұрақты стратегияларын жобалау шеңберінде пайдалана алады.