Негізгі мəселе: Мақалада оқушылардың танымдық бағыттылығын қалыптастырудың негізгі компоненті ретінде əмбебап оқу əрекеттерін (ƏОƏ) талдау мəселесі қарастырылады. ƏОƏ мемлекеттік міндетті білім беру стандартының контекстінде оқушының тұлғалық дамуының, дербестігі мен өмір бойы білім алуға дайын болуының негізі ретінде сипатталады. Мақсаты: регулятивтік, коммуникативтік, танымдық жəне тұлғалық компоненттерді қоса алғанда, əмбебап оқу əрекеттерінің мəні мен құрылымын ашу.Əсіресе, логикалық операциялар, талдау, жинақтау, салыстыру, жалпылау, оқу міндеттерін қоя білу жəне шеше білу сияқты танымдық ƏОƏ-ге ерекше назар аударылады. ƏОƏ-ні қалыптастыру танымдық белсенділікке, сыни ойлауға жəне оқуға деген уəжге оң ықпал ететіні атап өтіледі. Əдістері: Сонымен қатар, оқу үдерісінде əмбебап оқу əрекеттерін тиімді дамытуға мүмкіндік беретін педагогикалық жағдайлар мен əдістемелік тəсілдер қарастырылады. Қорытындыда ƏОƏ – оқушылардың саналы танымдық əрекетін қалыптастыруға ықпал ететін білім беру процесінің ажырамас бөлігі екені айтылады. Танымдық ƏОƏ-ге ерекше көңіл бөлінеді, себебі олар білімге қызығушылықты арттыру, ойлау, талдау, жоспарлау жəне қорытынды жасау қабілеттерін дамытуға тікелей байланысты. Нəтижелер жəне олардың маңыздылығы: Сондай-ақ, ƏОƏ-ні жүйелі түрде қалыптастыру оқу мотивациясының артуына, дербестікке, рефлексия мен өз іс-əрекетінің нəтижесіне жауапкершілікке тəрбиелеуге ықпал етеді. Бұған қоса, ƏОƏ-ні дамытуға бағытталған оқу үдерісін ұйымдастырудың педагогикалық шарттары, формалары мен əдістері – жобалық қызмет, проблемалық оқыту, метапəндік тəсілдер – қарастырылады.