Аңдатпа: Медицина саласындағы моральға қарсы қылмыстар, оның ішінде науқастардың құқықтарын бұзу, заңсыз медициналық эксперименттер, абайсыздық, медицинаның коммерциализациясы жəне моральдық зорлық-зомбылық қоғамның медициналық мекемелер мен мамандарға деген сенімін төмендетеді. Бұл қылмыстар науқастардың денсаулығы мен əл- ауқатына, сондай-ақ медициналық мамандықтың моральдық жəне этикалық негіздеріне ауыр зардаптар əкеледі. Медицинадағы моральға қарсы қылмыстарды зерттеп, олардың түрлерін жəне себептерін анықтау, сондай-ақ осындай бұзушылықтарды азайту тəсілдерін ұсыну: бақылауды күшейту, этикалық білім беруді арттыру жəне заңнамалық бастамаларды дамыту арқылы. Қазақстандық жəне шетелдік əдебиеттер, сот тəжірибесі мен медициналық жəне заңды мекемелердің ресми есептері жан-жақты талданды. Контент-анализ, сапалық жəне сандық əдістер, сондай-ақ əртүрлі елдердің медициналық этика бойынша заңнамасын салыстыру əдістері қолданылды. Медицинадағы моральға қарсы қылмыстар бірнеше категорияға жіктелді: науқастардың құқықтарын бұзу, заңсыз эксперименттер, абайсыздық, медицинаның коммерциализациясы жəне моральдық зорлық-зомбылық. Мұндай қылмыстардың салдары талқыланып, оларды болдырмау жолдары ұсынылды: медициналық салада білім беру жəне бақылау жүйесін жақсарту арқылы. Зерттеу нəтижелері медициналық этиканың сақталуына бақылауды күшейтудің, тиімді өзін-өзі реттеу механизмдерін құрудың жəне білім беру бағдарламаларын белсенді дамытудың қажеттілігін көрсетеді, бұл бұзушылықтардың санын азайтып, медициналық мамандыққа деген сенімді қалпына келтіруге мүмкіндік береді.

Аңдатпа: Зерттеудің өзектілігі. Биліктің бөліну принципі заң шығару тармағының үстемдігін жəне атқарушы жəне сот билігінің бағыныштылығын растайтын құқықтық мемлекеттің ең маңызды белгісі болып табылады. Құқықтық мемлекеттің негізгі аспектісі – заңнамаға жүйелі көзқарас. Сонымен бірге құқықтың жетекші рөлі оның қоғамның негізгі жəне маңызды мəселелерін шешу қабілетінде. Құқықтық мемлекеттегі биліктің бөлінуі түсінігін зерттеу. Зерттеудің əдіснамалық негізі ретінде талдау мен синтездің жалпы ғылыми əдістерін, тарихи көзқарасты, кешенді жүйелік жəне құрылымдық талдау əдістерін, сонымен қатар нормаларға, ұғымдарға жəне терминдерге сəйкес келетін əртүрлі əдістерді қамтитын ғылыми тəсілдер қолданылады. Осылайша, зерттеу нəтижелері бірқатар қорытындылар жасауға мүмкіндік береді. Біріншіден, билікті бөлу тұжырымдамасы ұзақ уақыт бойы демократиялық құқықтық жүйелерді құрудың негізі болды. Бұл идея əртүрлі кезеңде дамып, көптеген атақты ойшылдар мен заңгерлердің еңбектерімен тығыз байланысты болды. Заңгерлер мен философтардың еңбектері бүгінгі күнге дейін билік құрылымы мен оның функциялары туралы қазіргі заманғы қабылдауымызды қалыптастыратын негіз қалады. Тұжырымдаманың дамуының əрбір кезеңі əлеуметтік өзгерістер мен əділетті жəне тиімдірек басқаруға ұмтылысты көрсетті.