Ауылды дамытудың өзекті мəселелерінің ішінде əлеуметтік инфрақұрылым маңызды орын алады. Қазіргі таңда бұл шешімін таппай келе жатқан мəселелердің бірі. Мақалада ауылдық елді мекендердің əлеуметтік инфрақұрылымын дамытудың өзекті мəселелері, оның ішінде қаржыландырудың жеткіліксіздігі, материалдық-техникалық базаның əлсіздігі, білікті кадрлардың тапшылығы жəне əлеуметтік қызметтерге қолжетімділіктің шектелуі қарастырылған. Зерттеудің мақсаты – ауылдың əлеуметтік инфрақұрылымының қазіргі жағдайына талдау жасау, негізгі проблемаларды анықтау жəне оларды жою бойынша ұсыныстар əзірлеу. Зерттеудің əдіснамалық негізін салыстырмалы талдау, статистикалық əдіс, сараптамалық бағалау жəне социологиялық сауалнамалар құрайды. Зерттеу нəтижелері. Зерттеу нəтижелері халықтың өмір сүру сапасын жақсартуға, қалаларға көші-қон деңгейін төмендетуге жəне ауылдық аумақтардың тұрақты дамуына ықпал етуге мүмкіндік беретін ауылдық əлеуметтік инфрақұрылымды жаңғыртудың кешенді тəсілінің маңыздылығын көрсетеді. Нəтижесінде əлеуметтік инфрақұрылымды дамытудағы негізгі кедергілер анықталды. Талдау негізінде əлеуметтік инфрақұрылымды басқару тиімділігін арттыру тетіктері, оның ішінде мемлекеттік-жекеменшік əріптестік, қызметтерді цифрландыру жəне ауылдық елді мекендерді қолдаудың мақсатты бағдарламаларын əзірлеу ұсынылады. Зерттеудің практикалық маңыздылығы алынған нəтижелерді ауылдық аумақтарды тұрақты дамыту жəне ауыл тұрғындарының өмір сүру сапасын жақсарту бағдарламаларын əзірлеу үшін пайдалану мүмкіндігінде болып табылады. Ұсынылған қорытындылар ауылдық аймақтарды дамытуға мүдделі мемлекеттік органдар, жергілікті өзін-өзі басқару органдары жəне инвесторлар үшін пайдалы болуы мүмкін.