Құрметті әріптестер, серіктестер!

Мен сіздерді «Инновациялық Еуразия университетінің хабаршысы» ғылыми журналының сайтында көргеніме қуаныштымын. Біздің редакциялық саясатымыз жарияланымдардың сапасын арттыруға және журналдың интернационалдандырылуын қамтамасыз етуге бағытталған.

Біз жарияланым қызметі аясында серіктестік байланыстарды кеңейтуге мүдделіміз. Біздің редакциялық алқа мен рецензенттер пулы құрамына Қазақстан, Ұлыбритания, Ресей Федерациясы, Қырғыз Республикасы, Өзбекстанның жетекші жоғары оқу орындарының ғалымдары кіреді. Біздің журналда жарияланған авторлардың географиясы да әртүрлі. Біз американдық «Crossref» агенттігінің ғылыми баспагерлер қауымдастығының толық мүшесі болып табыламыз және мақалаларға өзіміздің DOI-ді беруге құқығымыз бар, біздің журнал International Standard Serial Number (Paris) халықаралық ғылыми журналдар тізілімінде тіркелген, РИНЦ ғылыми жарияланымдарының беделді деректер базасына кіреді (Ресей).

Мен редакциялық алқамен ынтымақтасуға Қазақстаннан және шет елдерден тәжірибелі ғалымдар мен жас зерттеушілерді шақырамын. Біз бірлескен жарияланымдардан бастап мақалаларды рецензиялауға дейін серіктестік қатынастардың түрлі форматтарын ұсынамыз. Редакциялық алқа шетелдік авторлармен, басқа қазақстандық ЖОО-дағы әріптестермен, экономиканың түрлі салаларындағы әріптестермен бірлесіп жазылған жарияланымдарды құптайды. Бізді ағылшын тіліндегі басылымдар қызықтырады. Біз Академиялық адалдық қағидаттарының және зияткерлік меншікті қорғау құқықтарының сақталуына кепілдік береміз.

Осы сайттың мүмкіндіктерін пайдалана отырып, сіз өзіңізді автор және рецензент ретінде көрсете аласыз. Автоматтандырылған жүйе редакцияға келмей-ақ сізге өз мақалаңызды сараптама үшін немесе рецензенттер банкіне сауалнама жіберуге мүмкіндік береді. Редакциялық алқаның шешімі туралы хабарлама Сіздің электрондық поштаңызға келеді.

Біз «Инновациялық Еуразия университетінің хабаршысы» ғылыми журналының беттерінде өзінің академиялық бақылауларымен бөлісе алатын білімді және қызықты адамдардың серіктестері болуға қуаныштымыз.

Бас редактор

Ветеринария ғылымдарының докторы, профессор Никитин Евгений Борисович