Қазақстан Республикасы мен Ресей Федерациясының заңнамасы мысалында жарылғыш заттарды, жарылғыш құрылғыларды жəне олардың қолданылу іздерін криминалистикалық зерттеудің салыстырмалы-құқықтық талдауы
Түйінді сөздер: Криминалистика, жарылғыш заттар, құрылғылар, сараптама, заңнама, оқ-дəрі, əдістеме
Осы жұмыста Ресей Федерациясы мен Қазақстан Республикасы құқықтық
жүйелеріндегі жарылғыш заттар мен жарылғыш құрылғыларды криминалистикалық зерттеудің
теориялық, іс жүргізушілік жəне əдістемелік негіздеріне қатысты іргелі салыстырмалы-
құқықтық талдау ұсынылған. Зерттеу екі мемлекеттің қылмыстық заңнамасын, жоғары
соттардың нормативтік қаулыларын жəне ведомстволық нұсқаулықтарын жан-жақты
зерделеуге негізделген. Ерекше назар қолдан жасалған жарылғыш құрылғылардың заңсыз
айналымын саралау, объектілердің «жарылысқа жарамдылығы» критерийлерін айқындау,
сондай-ақ мемлекеттік жəне жекеменшік сот сарапшыларының құзыреттерін ажырату
мəселелеріндегі құқық қолдану тəжірибесіндегі айырмашылықтарға аударылған. Жұмыста
жарылыс-техникалық сараптамаларды тағайындау мен жүргізудің алгоритмдері егжей-тегжейлі
қарастырылып, тергеудегі типтік қателіктер талданады жəне мемлекетаралық ынтымақтастық
шеңберінде сараптамалық əдістемелерді унификациялау жолдары ұсынылады. Зерттеудің өзектілігі еуразиялық кеңістікте трансұлттық терроризммен жəне қарудың заңсыз
айналымымен күрес тəсілдерін үйлестіру қажеттілігімен айқындалады.